კეთილი იყოს თქვენი მობრძანება ჩვენს არაკომერციულ ორგანიზაციაში

ახალგაზრდული ცენტრი "ახალი თაობა" ოფიციალურად 2021 წლის 26 ივლისს დაარსდა. ორგანიზაციაში მომუშავე გუნდი უმეტესად დაკომპლექტებულია სტუდენტებისაგან და სკოლის დამამთავრებელი საფეხურის მოსწავლეებისაგან. “ახალი თაობა” მიზნად ისახავს მუნიციპალურ დონეზე ახალგაზრდებში ცოდნის გავრცელებას შემდეგი სამი მიმართულებით:

• არაფორმალური განათლება;
• გარემოს დაცვა და ნარჩენების მდგრადი მართვა;
• სპორტი და ჯანსაღი ცხოვრების წესი;

გარდა ამისა, ორგანიზაციის, როგორც ახალგაზრდული ცენტრის მიზანია, შექმნას სივრცე, რომელიც განკუთვნილი იქნება ახალგაზრდებისათვის და იქნება მათი თავშეყრის, განვითარების, გართობისა და სწავლის ადგილი.

ყველაფერთან ერთად, ორგანიზაცია გეგმავს და ახორციელებს: კულტურულ-საგანმანათლებლო, გასართობ, გარემოს დაცვისა და სპორტულ აქტივობებს, ეს კი მუნიციპალიტეტის მასშტაბით ახალგაზრდების ჩართვას ემსახურება, რათა გააქტიურდნენ და მაქსიმალურად გამოიყენონ პოტენციალი.